Actividade DE BALDE promovida e impartida por unha das persoas usuarias habituais do Espazo Xuvenil O Remanso, que consiste nun obradoiro para iniciarse nesta plataforma de creación de xogos: "Godot". Para persoas entre 12 e 30 anos.
HORARIO E CALENDARIO DO OBRADOIRO:
27/01/2024. de 18:00 a 20:30 h.
Máis información no espazo Xuvenil O Remanso
Av. Fernández Latorre, 70, 15006 A Coruña
A Consellería de Política Social e Xuventude convoca unha liña de axudas para facilitar a obtención do permiso de condución das clases B, C e D a persoas mozas galegas en situación de desemprego.
REQUISITOS:
MÁIS INFORMACIÓN
Dirección Xeral de Xuventude, Participación e Voluntariado
Edificio Administrativo San Lázaro. 15781 Santiago de Compostela
Teléfonos: 881 999 025, 881 999 314, 981 545 293
Correo electrónico: xuventude.programas@xunta.gal
Xefatura Territorial da Coruña. Consellería de Política Social e Xuventude. Servizo de Xuventude e Voluntariado
Espazo Amizar. Rúa Gregorio Hernández, 2-4. 15011 A Coruña
Teléfonos: 881 881 238, 881 881 240
Correo electrónico: xuventudecoruna.benestar@xunta.gal
Publicación: DOG 23/01/2024
Sede electrónica (sede.xunta.gal): procedemento BS321A
A Tarxeta Xente Nova é a tarxeta de transporte metropolitano de Galicia que te permite realizar viaxes interurbanas gratuítas EN TODA GALICIA!!!
Ampliase o prazo para utilizala a todo o ano 2024.
Quen a pode utilizar? Mozos e mozas de entre 4 e 20 anos. Cando cumpras 21 poderás seguir usando a tarxeta ata que se esgote o saldo.
En que liñas de transporte se pode usar? Os/as menores de 21 anos poderán viaxar gratis no transporte público interurbano que depende da Xunta de Galicia, calquera que sexa a súa orixe e destino.
Como conseguila?
Solicita cita nesta páxina: https://solicitudonline.abanca.com/Tarjetas/gl/txn
Ao facilitar os datos que se solicitan xerarase unha cita na oficina Abanca máis próxima. Non é necesaria unha conta asociada.
Unha vez alí, só necesitarán o teu DNI. A tarxeta é gratuíta. Lembra que, se aínda non cumpriches os 18 anos, deberá solicitala o teu representante legal, que, xunto co teu DNI, só terá que levar o seu DNI e o libro de familia ou documentos equivalentes.
Hai que cargar a tarxeta antes de poder viaxar con ela.
Como recargala?
En todas as oficinas e caixeiros de Abanca.
En efectivo ou con tarxeta de dédito de Abanca. Con tarxetas de crédito ou doutras entidades poden existir comisións bancarias.
Banca Móbil e/ou Banca Electrónica de Abanca: podes recargala desde o móbil ou o ordenador, e introducila en calquera caixeiro Abanca para que a carga se faga efectiva.
Como viaxar con ela?
Para recibir a túa bonificación só deberás introducir a tarxeta en calquera caixeiro Abanca e automaticamente recibirás o aboamento das viaxes realizadas.
Todas as viaxes interurbanas reembolsaranse cada 15 días, ata un máximo de 60 viaxes mensuais.
Para recibir a túa bonificación só tes que introducir a túa tarxeta en calquera caixeiro de Abanca e aceptar o reintegro. Automáticamenete recibirás o aboamento das viaxes realizadas.
O importe dos reembolsos cargaranse segundo a tarifa aplicada en cada momento.
Se queres aclarar algunha dúbida podes facelo no enderezo tmg@xunta.gal ou no teléfono 988 687 800
Máis información en https://www.bus.gal/gl/xente-nova
1. A Xunta ten despregado un dispositivo de profesionais que están limpando e retirando os pellets que chegaron aos areais da nosa comunidade.
2. Co fin de facilitar toda a información sobre as recomendacións a seguir para as persoas voluntarias que se acheguen aos areais, despregamos persoal de información do voluntariado ao que poderás dirixirte se tes algunha dúbida.
Aquí podes consultar os puntos de encontro onde estará este persoal:
A Xunta de Galicia convoca probas de acceso aos ciclos formativos de grao medio e de grao superior de formación profesional.
Probas de acceso a ciclos formativos de grao medio
Poderán participar na proba de acceso aos ciclos formativos de grao medio as persoas que non posúan o título de graduado en ESO nin un título profesional básico e teñan 17 anos ou os fagan no ano natural de celebración da proba.
O prazo de presentación estará abranguido entre os días 26 de febreiro e 8 de marzo de 2024, ambos os dous incluídos.
As solicitudes están en https://sede.xunta.gal co procedemento ED312C.
Tamén se poderán presentar as solicitudes en calquera centro docente público da Consellería de Educación que imparta ciclos formativos de formación profesional.
Estrutura e organización da proba:
a) Parte sociolingüística:
– Lingua Castelá.
– Lingua Galega.
– Ciencias Sociais.
b) Parte matemática:
– Matemáticas.
c) Parte científico-técnica.
– Ciencias da Natureza.
– Tecnoloxía.
As probas de acceso aos ciclos de grao medio terán lugar o día 23 de maio de 2024.
Probas de acceso a ciclos formativos de grao superior
Poderán participar na proba de acceso aos ciclos formativos de grao superior as ppersoas que non posúan o título de bacharelato nin un título de técnico de formación profesional e teñan 19 anos ou os fagan no ano de realización da proba.
O prazo de presentación estará abranguido entre os días 29 de xaneiro e 9 de febreiro de 2024, ambos os dous incluídos.
As solicitudes poden tramitarse en https://sede.xunta.gal co procedemento ED312D
Tamén se poderán presentar as solicitudes en calquera centro docente público da Consellería de Educación que imparta ciclos formativos de formación profesional.
Estrutura da proba:
a) Parte común:
– Lingua Galega.
– Lingua Castelá.
– Matemáticas.
b) Parte específica. Organizarase con base en tres opcións, A, B e C, en función das familias profesionais e os ciclos formativos aos cales posibilita o acceso. A persoa aspirante deberá elixir unha das tres opcións no momento de formalizar a solicitude de inscrición para a proba, escollendo dúas das tres materias das que desexe ser examinada:
– Opción A: Economía da Empresa, Lingua Estranxeira (inglés ou francés), e Filosofía.
– Opción B: Debuxo Técnico, Tecnoloxía Industrial, e Física.
– Opción C: Ciencias da Terra e Ambientais, Química, e Bioloxía.
As probas de acceso aos ciclos de grao superior terán lugar o día 18 de abril de 2024.
Máis información no DOG do 8 de xaneiro de 2024 e en www.edu.xunta.es/fp
No mes de xaneiro a actividade do programa “Xoves de Achegas”, que se realiza no Espazo de Información Xuvenil das Naves do Metrosidero do Concello da Coruña, centrarase na mellora de habilidades e competencias para poder superar unha entrevista de traballo.
Para quen?: mozas e mozos de 16 a 30 anos.
Data: 25 de xaneiro de 2024
Horario: 19:00 h.
Duración: 1 hora
