Ensinanzas deportivas 2026/2027: aberta a convocatoria das probas de acceso

 A Consellería de Educación, Ciencia, Universidades e Formación Profesional convoca as probas de acceso ás ensinanzas deportivas para o curso 2026/2027. Estas ensinanzas permiten combinar formación académica e especialización deportiva en distintas modalidades.

Poden resultar de interese para alumnado que queira orientar o seu futuro académico e profesional cara ao ámbito da actividade física, o adestramento deportivo ou o rendemento en modalidades específicas.

Prazo de inscrición

• Até o 15 de maio de 2026:

  • Proba que substitúe o requisito de titulación para o acceso ao grao superior.

• Até o 25 de xuño de 2026:

  • Proba que substitúe o requisito de titulación para o acceso ao grao medio.

  • Proba específica de acceso ao grao medio.

Inscrición nas probas

Datas de inscrición

• Proba que substitúe o requisito de titulación para o acceso ao grao medio e/ou proba específica de grao medio: até o 25 de xuño de 2026.

• Proba que substitúe o requisito de titulación para o acceso ao grao superior: até o 15 de maio de 2026.

Lugar de inscrición

A inscrición deberá realizarse na secretaría dalgún dos centros públicos docentes vinculados a cada modalidade deportiva. As persoas aspirantes só poderán realizar a proba no centro no que formalicen a inscrición.

Excepcionalmente:

• Na modalidade de Fútbol, a solicitude poderá presentarse no IES Río Cabe, indicando en cal dos dous centros asignados se solicita realizar a proba.

• Na modalidade de Atletismo, a solicitude poderá presentarse no IES Nosa Señora dos Ollos Grandes.

  
  
  

Requisitos de acceso ao grao medio

Para acceder ao ciclo inicial de grao medio é necesario:

• Estar en posesión do título de ESO ou equivalente.

• Tamén se consideran válidas outras titulacións como Bacharelato, título de técnica/o superior ou titulación universitaria.

Para acceder ao ciclo final ou segundo nivel de grao medio:

• Débese ter superado previamente o ciclo inicial da mesma modalidade ou especialidade deportiva.

O alumnado que non dispoña do título da ESO poderá acceder se:

• Ten cumpridos 17 anos no ano natural da proba.

• Supera a proba de acceso substitutiva do requisito de titulación.

• Cumpre os demais requisitos específicos da modalidade.

Probas específicas

Nalgunhas modalidades deportivas é obrigatorio superar unha proba específica de acceso:

• Fútbol

• Fútbol sala

• Baloncesto

• Balonmán

• Atletismo

• Vela

No caso de Baloncesto e Balonmán tamén poden acreditarse méritos deportivos.

Requisitos de acceso ao grao superior

Para acceder aos ciclos de grao superior é necesario:

• Posuír o título de técnica/o deportivo na correspondente modalidade ou especialidade.

• Ademais, contar con algunha destas titulacións:

  • Bacharelato

  • Título de técnica/o superior

  • Titulación universitaria

O alumnado que non dispoña do título de Bacharelato poderá acceder se:

• Ten cumpridos 19 anos no ano natural da proba.

• Posúe o título de técnica/o deportivo correspondente.

• Supera a proba de acceso substitutiva do requisito de titulación.

Máis información e contacto

Información xuvenil do concello de A Coruña

Contacto na provincia da Coruña:

• Departamento Territorial da Coruña
  Edificio Administrativo de Monelos, 9º andar
  Rúa Vicente Ferrer, 3 – 15008 A Coruña

• Teléfono: 981 184 701

Convocatoria publicada no DOG do 30 de abril de 2026.

Acceso e Admisión ás Ensinanzas Superiores de Arte Dramática, curso 2026-2027

  A Consellería de Educación, Ciencia, Universidades e Formación Profesional convoca as probas de acceso e admisión ás ensinanzas superiores de Arte Dramática para o curso 2026/2027.

Estas ensinanzas están dirixidas a alumnado interesado na creación escénica, a interpretación, a dramaturxia ou o deseño escenográfico, e constitúen unha formación superior especializada no ámbito das artes escénicas.

Prazo de inscrición

• Inscrición: até o 16 de xuño de 2026.

• Realización das probas: do 6 ao 8 de xullo de 2026.

Taxa de inscrición

• Prezo: 64 €.

Requisitos de acceso

Para participar no proceso de acceso é necesario cumprir os seguintes requisitos:

• Estar en posesión do título de Bacharelato, ou dun título de ensinanzas artísticas superiores, título universitario, título de técnica/o superior ou equivalente.

• Tamén poderá acceder quen superase a proba de acceso á universidade para maiores de 25 anos.

O alumnado que teña pendente algunha materia de Bacharelato poderá realizar igualmente a proba específica de acceso. No caso de superala, poderá optar á praza solicitada unha vez obteña o título correspondente.

Ademais, será necesario:

• Superar a proba específica de acceso á especialidade escollida.

Como realizar a inscrición

Recoméndase ler previamente a guía oficial do procedemento de acceso e admisión.

Con carácter xeral, a solicitude realizarase de forma telemática a través da aplicación informática «EAS»:

Aplicación EAS – Ensinanzas Artísticas Superiores

A aplicación permite cubrir o formulario e achegar electronicamente a documentación requirida mediante sistemas de identificación electrónica.

Unha vez completada a solicitude:

• Deberá xerarse o documento de inscrición.

• A solicitude deberá presentarse asinada na Secretaría da Escola Superior de Arte Dramática de Galicia dentro do prazo establecido.

As persoas con DNI ou NIE tamén poderán acceder ao formulario directamente na Secretaría da ESAD de Galicia.

Calendario do proceso

• 19 de xuño: publicación da listaxe provisional de persoas admitidas e excluídas.

• 22 e 23 de xuño: prazo de reclamacións.

• 26 de xuño: publicación da listaxe definitiva.

Publicación de cualificacións

• 13 de xullo: listaxe provisional de cualificacións.

• 14 e 15 de xullo: reclamacións.

• 20 de xullo: listaxe definitiva de cualificacións.

Especialidades e características das probas

Dirección Escénica e Dramaturxia

A proba incluirá:

• Desenvolvemento dunha proposta escénica escrita.

• Exercicio breve de dirección de grupos.

• Escrita dun texto breve a partir dunha situación dramática.

• Entrevista persoal.

Datas: 6 e 7 de xullo de 2026.

Escenografía

A proba incluirá:

• Debuxo do natural.

• Deseño escenográfico a partir dun tema proposto.

• Entrevista persoal.

Data: 6 de xullo de 2026.

Os materiais necesarios deberán ser achegados por cada aspirante.

Interpretación

A proba incluirá:

• Dúas sesións de traballo con actividades expresivas propias da especialidade.

• Entrevista persoal.

Datas: do 6 ao 8 de xullo de 2026.

Lugar de realización das probas

As probas realizaranse na Escola Superior de Arte Dramática de Galicia, segundo o calendario e horarios publicados polo centro.

Será obrigatorio presentar o DNI ou outro documento oficial de identificación persoal.

Máis información e contacto

ESAD Galicia

Contacto:

• Escola Superior de Arte Dramática de Galicia (ESAD)

• Rúa Poza Cabalo, s/n – 36212 Vigo

• Teléfono: 886 121 970

• Correo electrónico: esad.galicia@edu.xunta.gal

Convocatoria publicada no DOG do 27 de abril de 2026.

  A Consellería de Educación, Ciencia, Universidades e Formación Profesional convoca as probas de acceso ás ensinanzas profesionais de Artes Plásticas e Deseño de grao medio para o curso 2026/2027.

Estas ensinanzas permiten desenvolver formación especializada en ámbitos artísticos e creativos vinculados ás artes aplicadas, a ilustración, a cerámica, o deseño ou os oficios artísticos.

Prazo de inscrición

O prazo de inscrición estará aberto do 8 de maio ao 12 de xuño de 2026.

Requisitos de acceso

Acceso directo

Estarán exentas de realizar a proba específica as persoas que estean en posesión dalgunha das seguintes titulacións:

• Título de técnica/o de Artes Plásticas e Deseño.

• Título de técnica/o superior de Artes Plásticas e Deseño.

• Bacharelato de Artes ou Bacharelato artístico experimental.

• Títulos superiores ou graos en ensinanzas artísticas superiores de Artes Plásticas, Deseño ou Conservación e Restauración.

• Grao ou licenciatura en Belas Artes.

• Arquitectura ou Deseño Industrial.

• Cursos comúns de Artes Aplicadas e Oficios Artísticos dos plans antigos.

• Experiencia laboral mínima dun ano relacionada co ciclo solicitado.

Acceso mediante proba específica

Poderán acceder mediante proba específica as persoas que estean en posesión do título de ESO ou equivalente.

Acceso sen requisitos académicos

As persoas que non dispoñan da titulación requirida deberán:

• Ter cumpridos 17 anos no ano da proba.

• Superar a proba substitutiva do requisito de ESO.

• Superar tamén a proba específica de acceso.

Como realizar a inscrición

As solicitudes cubriranse preferentemente de forma telemática a través da aplicación:

Aplicación EAS – Ensinanzas Artísticas Superiores

Será necesario:

• Empregar certificado dixital ou Chave365.

• Presentar unha copia asinada da solicitude no centro elixido como primeira ou única opción.

As persoas que non dispoñan de DNI ou NIE poderán realizar o trámite directamente nas secretarías dos centros.

Na solicitude deberá indicarse:

• O ciclo formativo solicitado.

• Os centros por orde de preferencia (ata un máximo de 4 opcións).

• O centro no que se desexa realizar a proba específica, no caso de precisala.

Calendario do proceso

• 16 de xuño: publicación da listaxe provisional de persoas admitidas e excluídas.

• 17 e 18 de xuño: reclamacións.

• 22 de xuño: publicación da listaxe definitiva.

Lugar de realización das probas

As probas realizaranse nas Escolas de Arte e Superiores de Deseño nas que as persoas aspirantes formalizasen a inscrición.

Información en Galicia:

• EASD Ramón Falcón

• Paseo dos Estudantes, s/n – 27002 Lugo

• Teléfono: 982 220 790

• Correo electrónico: escola.arte.ramon.falcon@edu.xunta.es

EASD Ramón Falcón

Proba substitutiva do requisito de ESO

Data

• 23 de xuño de 2026.

Estrutura da proba

Primeira parte (10:00 – 13:00 h)

Deberán seleccionarse tres cuestionarios entre:

• Lingua galega.

• Lingua castelá.

• Contidos socioculturais.

• Contidos científico-tecnolóxicos.

Valorarase:

• A comprensión escrita.

• A capacidade expresiva.

• A análise e síntese.

• Os coñecementos básicos das áreas avaliadas.

Segunda parte (16:00 – 17:00 h)

Exercicio de educación plástica e visual consistente nunha composición de libre interpretación.

Publicación de cualificacións

• 29 de xuño: cualificacións provisionais.

• 30 de xuño e 1 de xullo: reclamacións.

• 3 de xullo: cualificacións definitivas.

Proba específica de acceso

Data

• 7 de xullo de 2026.

Estrutura da proba

Primeiro exercicio (10:00 – 11:00 h)

Desenvolvemento escrito dun tema relacionado coas artes plásticas.

Valorarase:

• A capacidade lingüística.

• Os coñecementos histórico-artísticos.

Segundo exercicio (12:00 – 14:00 h)

Realización de debuxos e bosquexos sobre un tema proposto.

Valorarase:

• A observación.

• A percepción visual.

• As destrezas específicas.

• A aptitude para os estudos artísticos.

Terceiro exercicio (17:00 – 19:00 h)

Execución dun exercicio definitivo a partir dos bosquexos anteriores.

Valorarase:

• A creatividade.

• A composición.

• O sentido espacial.

• A capacidade artística.

Publicación de cualificacións

• 14 de xullo: cualificacións provisionais.

• 15 e 16 de xullo: reclamacións.

• 20 de xullo: cualificacións definitivas.

Máis información

INFORMACIÓN: nas Escolas de Arte e Superiores de Deseño que oferten ciclos medios

EASD Ramón Falcón

Paseo dos Estudantes, s/n. (27002- Lugo)

tel.: 982 220 790 

correo-e: escola.arte.ramon.falcon@edu.xunta.es

www.escoladeartelugo.com

PUBLICACIÓN: DOG 07/05/2026. Convocatoria publicada no DOG do 7 de maio de 2026.

Acceso e admisión ás ensinanzas de Conservación e Restauración de Bens Culturais, curso 2026-2027

 A Consellería de Educación, Ciencia, Universidades e Formación Profesional convoca as probas de acceso ás ensinanzas superiores de Conservación e Restauración de Bens Culturais para o curso 2026/2027.

Estas ensinanzas están orientadas á formación especializada na conservación, análise e restauración do patrimonio cultural e artístico.

Prazo de inscrición e datas clave

• Inscrición: até o 5 de xuño de 2026.

• Realización da proba específica: 17 de xuño de 2026.

Calendario do proceso

• 9 de xuño: publicación da listaxe provisional de persoas admitidas e excluídas.

• 10 e 11 de xuño: prazo de reclamacións.

• 15 de xuño: publicación da listaxe definitiva de persoas admitidas e excluídas.

Publicación de cualificacións

• 23 de xuño: publicación das cualificacións provisionais.

• 25 e 26 de xuño: prazo de reclamacións.

• 30 de xuño: publicación das cualificacións definitivas.

Taxa de inscrición

• Prezo: 64 €.

Requisitos de acceso

Será necesario cumprir os seguintes requisitos:

• Estar en posesión do título de Bacharelato, título universitario, título de técnica/o superior, ensinanzas artísticas superiores ou equivalente.

• Tamén poderá acceder quen superase a proba de acceso á universidade para maiores de 25 anos.

O alumnado con materias pendentes de Bacharelato poderá realizar a proba específica e participar no proceso de admisión. No caso de superala, poderá optar á praza unha vez obteña o título correspondente.

Ademais, será necesario:

• Superar a proba específica de acceso.

Acceso directo

Terán acceso directo, sen necesidade de realizar a proba específica, as persoas que posúan un título de técnica/o superior de Artes Plásticas e Deseño. En todo caso, deberán formalizar igualmente a inscrición no proceso.

Como realizar a inscrición

Recoméndase consultar previamente a guía oficial do procedemento de acceso e admisión.

A solicitude realizarase de forma telemática mediante a aplicación informática «EAS»:

Aplicación EAS – Ensinanzas Artísticas Superiores

A través desta plataforma poderá achegarse a documentación necesaria de forma electrónica.

Unha vez finalizada e asinada a solicitude:

• Deberá presentarse na Secretaría do centro de inscrición dentro do prazo establecido.

• A documentación xa incorporada na aplicación non será necesario presentala novamente.

As persoas que non dispoñan de DNI ou NIE poderán realizar a inscrición directamente na Secretaría do centro.

Estrutura da proba específica de acceso

A proba constará de dous exercicios.

Primeiro exercicio: análise de texto

Consistirá na análise dun texto relacionado cos bens culturais, cunha duración máxima de 90 minutos.

Valorarase especialmente:

• A comprensión de conceptos.

• O uso da linguaxe.

• A capacidade de síntese e relación.

A puntuación será de 0 a 40 puntos.

Segundo exercicio: aptitude plástica

Este exercicio permitirá valorar as aptitudes artísticas e específicas necesarias para estes estudos.

Incluirá:

• Debuxo do natural con modelo real e inanimado.

• Traballo sobre representación da cor.

• Traballo práctico orientado á valoración da habilidade manual, meticulosidade e pulcritude.

Cada apartado cualificarase entre 0 e 20 puntos e obterase unha media aritmética.

Cualificación final

A nota global calcularase mediante media ponderada:

• Primeiro exercicio: 40 %.

• Segundo exercicio: 60 %.

Será necesario obter unha cualificación igual ou superior a 5 puntos para superar a proba.

Lugar de realización

As probas realizaranse na Escola Superior de Conservación e Restauración de Bens Culturais de Galicia o día 17 de xuño de 2026.

Será obrigatorio presentarse cun documento oficial de identidade (DNI, NIE ou pasaporte).

Máis información e contacto

Escola Superior de Conservación e Restauración de Bens Culturais de Galicia

Contacto:

• Escola Superior de Conservación e Restauración de Bens Culturais de Galicia

• Rúa Xeneral Martitegui, s/n – 36002 Pontevedra

• Teléfono: 886 159 735

• Correo electrónico: escola.conservacion.galicia@edu.xunta.gal

Convocatoria publicada no DOG do 27 de abril de 2026.

Artes Plásticas e Deseño de grao superior 2026/2027: aberto o prazo da convocatoria das probas de acceso

 A Consellería de Educación, Ciencia, Universidades e Formación Profesional convoca as probas de acceso ás ensinanzas profesionais de Artes Plásticas e Deseño de grao superior para o curso 2026/2027.

Estas ensinanzas permiten especializarse en distintos ámbitos vinculados ao deseño, a ilustración, a fotografía, a cerámica, a gráfica publicitaria, a moda ou as artes aplicadas.

Prazo de inscrición

O prazo de inscrición estará aberto do 8 de maio ao 12 de xuño de 2026, tanto para:

• alumnado con requisitos académicos,

• como para quen precise realizar a proba substitutiva do requisito de titulación.

Requisitos de acceso

Acceso directo

Estarán exentas de realizar a proba específica as persoas que estean en posesión dalgunha das seguintes titulacións:

• Título de técnica/o de Artes Plásticas e Deseño.

• Título de técnica/o superior de Artes Plásticas e Deseño.

• Bacharelato de Artes ou Bacharelato artístico experimental.

• Título superior ou grao en ensinanzas artísticas superiores de Artes Plásticas, Deseño ou Conservación e Restauración.

• Grao ou licenciatura en Belas Artes.

• Arquitectura ou Deseño Industrial.

• Persoas con experiencia laboral mínima dun ano relacionada directamente co ciclo ao que se quere acceder.

Acceso mediante proba específica

Poderán acceder mediante proba específica as persoas que posúan:

• Título de Bacharelato ou equivalente.

• Título de técnica/o de Formación Profesional.

O alumnado con materias pendentes de Bacharelato poderá presentarse á proba específica, sempre que a titulación estea obtida antes da adxudicación de prazas.

Acceso sen requisitos académicos

As persoas que non posúan a titulación requirida deberán:

• Ter 19 anos no ano natural da realización da proba.

• Ou 18 anos no caso de posuír un título de técnica/o relacionado co ciclo ao que se quere acceder.

Como realizar a inscrición

As solicitudes cubriranse preferentemente de forma telemática mediante a aplicación:

Aplicación EAS – Ensinanzas Artísticas Superiores

Será necesario:

• Empregar certificado dixital ou Chave365.

• Presentar posteriormente no centro unha copia asinada da solicitude xunto coa documentación requirida.

As persoas sen DNI ou NIE poderán realizar o trámite directamente nas secretarías dos centros.

Na solicitude deberá indicarse:

• O ciclo formativo desexado.

• Os centros solicitados por orde de preferencia (máximo 4 opcións).

• O centro no que se realizará a proba específica, no caso de precisala.

Calendario do proceso

• 16 de xuño: listaxe provisional de persoas admitidas e excluídas.

• 17 e 18 de xuño: reclamacións.

• 22 de xuño: listaxe definitiva.

Lugar de realización das probas

As probas realizaranse nas Escolas de Arte e Superiores de Deseño nas que se formalizase a inscrición.

Na Coruña, a información pode consultarse na EASD Pablo Picasso.

Proba substitutiva do requisito de Bacharelato

Data

• 23 de xuño de 2026.

Estrutura da proba

Primeira parte (10:00 – 13:00 h)

Materias comúns do currículo de Bacharelato:

• Lingua galega e literatura.

• Lingua castelá e literatura.

• Lingua estranxeira (inglés ou francés).

• Historia de España.

• Filosofía.

Deberán escollerse tres materias.

Valorarase:

• A madureza académica.

• A comprensión de conceptos.

• A capacidade de análise e síntese.

• O uso correcto da linguaxe.

Segunda parte (16:00 – 17:00 h)

Exercicio de composición e deseño relacionado coa modalidade de Artes Plásticas, Imaxe e Deseño.

Publicación de cualificacións

• 29 de xuño: cualificacións provisionais.

• 30 de xuño e 1 de xullo: reclamacións.

• 3 de xullo: cualificacións definitivas.

Proba específica de acceso

Data

• 7 de xullo de 2026.

Estrutura da proba

Primeiro exercicio (10:00 – 11:00 h)

Desenvolvemento escrito sobre temas relacionados coa historia da arte.

Valorarase:

• A capacidade lingüística.

• Os coñecementos histórico-artísticos.

Segundo exercicio (12:00 – 14:00 h)

Realización de bosquexos sobre un tema proposto.

Valorarase:

• A observación.

• A percepción.

• As destrezas artísticas.

• A aptitude para os estudos da familia profesional correspondente.

Terceiro exercicio (17:00 – 19:00 h)

Execución dun traballo baseado nos bosquexos anteriores.

Valorarase:

• A capacidade compositiva.

• A predisposición para os estudos artísticos.

Publicación de cualificacións

• 14 de xullo: cualificacións provisionais.

• 15 e 16 de xullo: reclamacións.

• 20 de xullo: cualificacións definitivas.

Máis información e contacto

Información nas Escolas de Arte e Superiores de Deseño de Galicia.

Na Coruña:

• EASD Pablo Picasso

• Rúa Os Pelamios, 2 – 15001 A Coruña

• Teléfono: 981 225 396

• Correo electrónico: escola.arte.pablo.picasso@edu.xunta.gal

EASD Pablo Picasso

Convocatoria publicada no DOG do 7 de maio de 202

 As probas realizaranse o 17 de xuño de 2026 nas catro Escolas de Arte e Superiores de Deseño (EASD) de Galicia.

Horarios

• Primeira parte: de 11:00 a 13:00 horas.

• Segunda parte: de 16:00 a 20:00 horas.

  • Primeiro exercicio: de 16:00 a 18:00 horas.

  • Segundo exercicio: de 18:00 a 20:00 horas.

Será necesario levar:

• DNI.

• Copia da folla de solicitude de inscrición.

Itinerario de Xoiaría e Complementos

O alumnado que queira optar ao itinerario de Xoiaría e Complementos da especialidade de Produto deberá superar ademais unha entrevista específica.

A información sobre lugar, data e hora publicarase nos taboleiros e medios telemáticos habilitados polos centros.

Centros e contacto

Na provincia da Coruña, a oferta pode consultarse na EASD Pablo Picasso.

Información de contacto:

• Rúa Os Pelamios, 2 – 15001 A Coruña

• Teléfono: 981 225 396

• Correo electrónico: escola.arte.pablo.picasso@edu.xunta.gal

EASD Pablo Picasso

Convocatoria publicada no DOG do 27 de abril de 2026.

Acceso e admisión ás ensinanzas superiores de Música, curso 2026-2027

 Se estás en 2º de Bacharelato ou rematando un Ciclo Formativo, debes saber que xa saíu a convocatoria para as probas de acceso ao Grao Superior de Música en Galicia para o vindeiro curso 2026-2027.  

Que é o Grao Superior de Música?

Equivale, a todos os efectos, a un Grao Universitario. Son catro anos de formación intensa onde te especializas ao máis alto nivel. En Galicia, temos a sorte de contar con dous centros de referencia:

• Conservatorio Superior de Música da Coruña (CSM Coruña): ¡Témolo aquí ao lado, en Riazor!

• Conservatorio Superior de Música de Vigo.

Datas clave. Inscrición para as probas (na web https://www.edu.xunta.gal/eas.): 

• do 28 de abril ao 21 de maio de 2026, ambos os dous incluídos, para as persoas que reúnan os requisitos académicos de acceso.
• do 28 de abril ao 15 de maio de 2026, ambos os dous incluídos, para as persoas maiores de 16 que, sen reunir os requisitos académicos de acceso, manifesten precocidade.

• *PROBA ACREDITATIVA DAS COMPETENCIAS CLAVE DO BACHARELATO: para as persoas maiores de 16 que, sen reunir os requisitos académicos de acceso, manifesten precocidade. Data e lugar de realización: 26 de maio de 2026, no IES San Clemente de Santiago de Compostela.

Que necesito para presentarme?

Para acceder a estes estudos, normalmente precísanse dous requisitos:

1. Académico: Estar en posesión do título de bacharelato, ou dun título de ensinanzas artísticas superiores, título universitario ou título de técnico superior, ou dun título declarado equivaente ou homologado aos ditos títulos, ou ter superado a proba de acceso á universidade para maiores de 25 anos.. Aquelas persoas que desexen realizar a proba específica de acceso e teñan pendente algunha das materias do bacharelato poderán inscribirse no procedemento de acceso e admisión e realizar a devandita proba. No caso de superala, poderán optar á asignación da praza solicitada, unha vez acrediten estar en condicións para a obtención do título de bacharelato antes da adxudicación das prazas na ensinanza artística superior correspondente.

   • ¿Non tes o Bacharelato? Non te preocupes, se tes máis de 18 anos hai unha proba específica de madurez (que se fará o 4 de xuño) para que poidas presentarte igualmente. 

   • Acceso para as persoas menores de idade a partir de 16 anos que manifesten precocidade: as persoas aspirantes nesta situación poderán acceder aos estudos de grao en ensinanzas artísticas superiores de Música sempre que acrediten, superando unha proba, ter acadado o desenvolvemento das competencias clave previsto ao finalizar o bacharelato. 

2. Específico: Superar a proba de acceso. Aquí demostrarás o dominio do instrumento, a túa capacidade auditiva e os teus coñecementos teóricos.

Pasos a seguir agora mesmo:

1. Elixe a especialidade: Interpretación (o teu instrumento), Composición, Pedagoxía, Produción e Xestión... Investiga que camiño che motiva máis.

2. Consulta o repertorio: Cada conservatorio publica as obras que debes preparar para o exame. Mira a web do CSM da Coruña.

3. Prepara a documentación: Lembra que o proceso adoita ser telemático a través da aplicación da Xunta de Galicia.

MÁIS INFO: 

https://centros.edu.xunta.gal/cmuscoruna/Probas-de-acceso 

E no propio Conservatorio Profesional de Música da Coruña  

Praza do Conservatorio, s/n. (15011- A Coruña)

Probas de acceso ao grao elemental e grao profesional de música, 2026-2027

  Se o teu é a música, se pasas o día cos cascos postos ou se tes un instrumento collendo po na casa e queres levalo ao seguinte nivel, debes saber que o Conservatorio Profesional de Música da Coruña (CMUS) acaba de abrir o proceso para as probas de acceso do curso 2026-2027.

 

Aquí tes as claves para que non se che pase o prazo:

Que podes estudar?

O CMUS ofrece unha variedade enorme de especialidades (piano, guitarra, violín, vento, percusión...). Dependendo da túa idade e experiencia, podes optar a:

• Grao Elemental: Ideal para os máis novos ou quen empeza de cero (4 cursos).

• Grao Profesional: Para o alumnado de secundaria. Son 6 cursos nos que saes cunha formación técnica e artística de alto nivel. Podes acceder directamente a 1º ou a calquera outro curso intermedio se tes os coñecementos necesarios.

Datas a anotar (Calendario 2026)

1.  Inscrición: Do 14 ao 30 de abril. É o prazo para presentar a solicitude en http://www.cmusprofesionalcoruna.es .

2. Probas de acceso:

   • Grao Profesional (1º) : Do 20/04/2026 ao 24/05/2026 (de balde).

   • Grao Elemental (1º) : Do 20/04/2026 ao 13/05/2026 (34 euros).

3. Matrícula: Unha vez que saian as listaxes de admitidos/as, terás que formalizar a túa praza en xullo (profesional) ou setembro (elemental).

Que teñen en conta nas probas?

Se vas para o Grao Profesional, que é o que máis vos pode interesar no instituto, a proba adoita ter dúas partes:

• Interpretación: Tes que tocar pezas do teu instrumento ante un tribunal.

• Linguaxe Musical: Unha proba teórica e auditiva para comprobar o teu nivel de ritmo, entoación e teoría.

💡 Pasos a seguir agora mesmo:

1. Consulta a web oficial: Entra en www.cmuscoruna.org para ver os contidos específicos de cada proba. É fundamental saber que obras ou escalas che van pedir.

2. Prepara a documentación: Terás que cubrir un impreso de solicitude e pagar unha taxa de exame (hai bonificacións se tes familia numerosa, por exemplo).

3. Fala co teu profe de música: Se tes dúbidas sobre o teu nivel, os profes de música do instituto poden botarche un cabo para orientarte sobre a que curso presentarte.

Máis info

 Páxina web:

www.cmusprofesionalcoruna.es

Conservatorio Profesional de Música da Coruña  

Praza do Conservatorio, s/n. (15011- A Coruña)

Probas de acceso ao Conservatorio Profesional de Danza da Coruña, curso 2026-2027

 Se che apaixona o movemento, a música e a expresión corporal, debes saber que o Conservatorio Profesional de Danza da Deputación da Coruña acaba de anunciar as datas para as probas de acceso do vindeiro curso 2026-2027.

Tanto se estás pensando en comezar desde cero como se xa tes formación e queres profesionalizarte neste ámbito, podes facelo na cidade.

Que niveis se ofrecen?

Dependendo da idade e coñecementos previos, podes inscribirte en:

• Iniciación: Un primeiro contacto co mundo da danza a través do xogo e a musicalidade (mínimo 7 anos).

• Grao Elemental: 4 cursos para asentar as bases. É necesario superar unha proba de acceso (mínimo 8 anos).

• Grao Profesional: 6 cursos para unha formación profunda. Podes acceder ao primeiro curso ou a cursos intermedios se demostras o nivel necesario.

Datas clave para as probas

• Luns, 8 de xuño (16:30 h): Iniciación e Grao Elemental.

• Martes, 9 de xuño (16:00 h): 1º de Grao Profesional.

• Mércores, 10 de xuño (16:30 h): Outros cursos de Grao Profesional.

Preinscripción

A preinscrición é obrigatoria e podes facela ata o día anterior á proba. Tes dúas vías:

1. Por teléfono: Chamando ao 981 14 15 81 (horario de 16:00 a 21:00 h).

2. Por correo electrónico: Envía un email a conservatorio.danza@dacoruna.gal cos seguintes datos:

   • Nome e apelidos.

   • Data de nacemento.

   • Persoa responsable e teléfonos de contacto.

   • Curso ao que te presentas.

Máis infro: www.dacoruna.gal/conservatorio-profesional-danza

E no propio Conservatorio: Casa Martelo (Rúa Franxa, 14).

Probas de acceso a ciclos formativos de grao superior 2026

 As probas de acceso a ciclos formativos de grao superior de Formación Profesional permiten acceder a estes estudos ás persoas que non cumpren os requisitos académicos de acceso directo (por exemplo, título de bacharelato ou título de técnico de FP).

A superación da proba posibilita participar posteriormente no proceso de admisión a ciclos formativos de grao superior, nas condicións establecidas na normativa correspondente.

Prazo de inscrición

O prazo de presentación de solicitudes será:

Do 16 ao 26 de marzo de 2026 (ambos incluídos). 

A solicitude debe realizarse mediante a aplicación informática Ciclosprobas, que xera un documento que posteriormente deberá presentarse no centro de inscrición xunto coa documentación correspondente.

🔗 Aplicación para realizar a solicitude:
https://www.edu.xunta.gal/ciclosprobas/PaxinaInicio.do

🔗 Información oficial sobre probas de acceso:
https://www.edu.xunta.gal/fp/probas

Centro de inscrición

Considérase centro de inscrición calquera centro público dependente da Consellería con oferta de Formación Profesional.

Recoméndase empregar un centro próximo ao domicilio habitual, xa que:

• Será o lugar para realizar trámites posteriores (consultas, reclamacións, etc.);

• A sede de exame adoita asignarse nun centro próximo ao centro de inscrición elixido.

Estrutura da proba

A proba organízase en dúas partes:

Parte común

Inclúe tres materias:

• Lingua galega

• Lingua castelá

• Matemáticas

Parte específica

Na solicitude debe escollerse unha única opción (A, B ou C) e, dentro dela, dúas materias.

Opción A

• Economía da empresa

• Lingua estranxeira (inglés ou francés)

• Filosofía

Opción B

• Debuxo técnico

• Tecnoloxía industrial

• Física

Opción C

• Ciencias da Terra e ambientais

• Química

• Bioloxía …

Cada parte cualifícase entre 0 e 10 puntos. Para calcular a nota final é necesario obter polo menos 4 puntos en cada parte e a proba considérase superada cunha cualificación de 5 puntos ou superior. 

Data e horario da proba

A proba celebrarase o:

29 de abril de 2026  

Horario

• 09:00 h – Presentación das persoas aspirantes

• 09:30 – 13:00 h – Parte común (Matemáticas, Lingua galega e Lingua castelá)

• 16:00 – 18:30 h – Parte específica segundo a opción escollida 

O 22 de abril publicarase a relación de centros onde se realizarán os exames. 

Material necesario para o día da proba

Será necesario levar:

• Documento oficial de identidade.

• Copia validada da solicitude de inscrición.

Material permitido:

• Bolígrafo azul ou negro.

• Calculadora científica (non programable nin gráfica) para determinadas probas.

• Material de debuxo (lapis, regra, compás, escuadro e cartabón) na proba de Debuxo técnico. 

Non se admiten dispositivos electrónicos capaces de transmitir ou almacenar información, como teléfonos móbiles ou reloxos intelixentes. 

Exencións da proba

A normativa contempla exención total ou parcial da proba en determinadas situacións.

Exención total (exemplos):

• Dispor dun grao C de nivel 3 de Formación Profesional.

• Acreditar competencias profesionais equivalentes a unha parte significativa do ciclo formativo. …

Exencións parciais (exemplos):

• Ter recoñecida unha exención nunha convocatoria anterior.

• Dispor dun certificado de profesionalidade.

• Acreditar experiencia laboral relacionada coa opción da proba. 

Estas exencións deben solicitarse no momento da inscrición.

Consulta de solicitudes e resultados

A información sobre o estado da solicitude, listaxes e cualificacións poderá consultarse:

• no centro de inscrición, ou

• na aplicación Ciclosprobas. …

O período de reclamacións ás resolucións provisionais de solicitudes será do 7 ao 10 de abril de 2026.

Máis información e orientación no departamento de Orientación e nos seguintes enlaces:

Información oficial da Consellería:
https://www.edu.xunta.gal/fp

https://www.edu.xunta.gal/fp/acceso-grao-superior 

Probas de acceso a ciclos formativos de grao medio 2026

 No marco das actuacións de orientación académica e profesional do centro, informamos da convocatoria das probas de acceso a ciclos formativos de grao medio de Formación Profesional para o ano 2026, dirixidas a persoas que non dispoñen do título de ESO ou doutro requisito académico que permita o acceso directo a estes estudos.

A superación desta proba permite acceder a calquera ciclo formativo de grao medio, nas condicións que estableza posteriormente o proceso de admisión correspondente. 

Prazo de inscrición

O prazo de presentación de solicitudes será:

Do 16 ao 26 de marzo de 2026 (ambos incluídos). 

A solicitude debe realizarse a través da aplicación informática Ciclosprobas, que xera un documento que posteriormente deberá presentarse no centro de inscrición correspondente, xunto coa documentación requirida.

Aplicación para realizar a solicitude:

https://www.edu.xunta.gal/ciclosprobas/PaxinaInicio.do

Información xeral sobre probas de acceso de FP:

https://www.edu.xunta.gal/fp/probas

Onde realizar a inscrición

Pode empregarse como centro de inscrición calquera centro público dependente da Consellería con oferta de Formación Profesional.

Recoméndase escoller un centro próximo ao domicilio habitual, xa que:

• Será o lugar onde se realicen consultas ou reclamacións posteriores;

• A sede de exame adoita asignarse nun centro próximo ao centro de inscrición.

Estrutura da proba

A proba organízase en tres partes, cada unha delas con diferentes materias:

Parte sociolingüística

• Lingua galega

• Lingua castelá

• Ciencias sociais

Parte matemática

• Matemáticas

Parte científico-técnica

• Ciencias da natureza

• Tecnoloxía 

Cada parte cualifícase entre 0 e 10 puntos e é necesario obter como mínimo 4 puntos en cada parte para poder calcular a media final. A proba considérase superada cunha cualificación de 5 puntos ou superior.

Data de realización da proba

A proba terá lugar o:

21 de maio de 2026.

Horario previsto

• 09:00 h – Presentación das persoas aspirantes

• 09:30 – 13:30 h – Parte sociolingüística e matemática

• 16:00 – 18:00 h – Parte científico-técnica  

O 22 de abril de 2026 publicarase a relación de centros onde se realizarán os exames. 

Documentación e material para o día da proba

Será necesario levar:

• Documento oficial de identidade.

• Copia da solicitude de inscrición validada.

Material permitido:

• Bolígrafo azul ou negro.

• Calculadora científica só para a proba de Tecnoloxía (non programable nin gráfica).

• Non se permite calculadora na proba de Matemáticas.…

Non se admiten dispositivos electrónicos como teléfonos móbiles ou reloxos intelixentes.

Exencións da proba

A normativa contempla exencións totais ou parciais, entre outras situacións:

Exención total (exemplos):

• Ter superada unha proba de acceso a ciclos de grao superior.

• Dispor dun grao B ou C de nivel 2 de Formación Profesional.

• Acreditación de determinadas competencias profesionais. …

Exencións parciais (exemplos):

• Superación de determinados módulos de FP Básica.

• Superación de ámbitos da ESA.

• Experiencia laboral mínima dun ano. …

Estas exencións deben solicitarse no momento da inscrición.

Consulta de resultados e reclamacións

As resolucións e cualificacións poderán consultarse:

• No centro de inscrición, ou

• A través da aplicación Ciclosprobas.…

O período de reclamacións ás resolucións provisionais de solicitudes será do 7 ao 10 de abril de 2026. 

Máis información e orientación no departamento de Orientación

E nas páxinas web: 

https://www.edu.xunta.gal/fp/webfm_send/11638 

https://www.edu.xunta.gal/fp

Matrícula libre para as probas de certificación da Escola Oficial de Idiomas - 2025/26

A Consellería de Educación acaba de abrir o prazo de matrícula libre para as probas de certificación das Escolas Oficiais de Idiomas do curso 2025/26, e hai só uns días para apuntarse. Se estás pensando en certificar o teu nivel este ano, este é o momento de actuar.

Que certificados se poden obter?

As probas permiten obter os seguintes certificados oficiais, recoñecidos en todo o territorio nacional:

• Nivel básico A2
• Nivel intermedio B1
• Nivel intermedio B2
• Nivel avanzado C1
• Nivel avanzado C2

Podes facelo en moitos idiomas: alemán, árabe, chinés, español como lingua estranxeira, francés, galego, inglés, italiano, portugués, ruso e xaponés (segundo o nivel, a oferta de idiomas varía, polo que convén revisar as guías informativas de cada nivel).

Quen se pode presentar?

Pode inscribirse calquera persoa que teña 16 anos cumpridos (ou que os cumpra en 2026). Os menores de 16 que teñan polo menos 14 anos tamén poden participar, sempre que o idioma no que se examinen sexa distinto da súa primeira lingua estranxeira na ESO. E o mellor de todo: non é necesario ter superado niveis anteriores para presentarse polo réxime libre.

Ata cando me podo inscribir?

O prazo de matrícula é moi curto: do 23 de febreiro ao 6 de marzo de 2026. Non o deixes para o último día.

Como me inscribo?

O procedemento depende do idioma e nivel:

Para a maioría dos idiomas e niveis, a matrícula faise en liña en eoidigital.com/eoixuntalibre. Hai que presentar a documentación requirida ata o 6 de marzo para que a matrícula quede formalizada.

Para os niveis B2 e C1 de inglés e galego, o proceso é diferente: tamén te inscribes na mesma web, pero debes indicar polo menos tres centros de preferencia. Realizarase un sorteo o 11 de marzo e os resultados publicaranse o día 12. A partir de ese día e ata o 20 de marzo terás que formalizar a documentación.

Canto custa?

O importe das taxas está regulado polo Decreto 89/2013. Podes consultar os prezos exactos e as posibles exencións nese decreto ou directamente na EOI.

Máis información e contacto

Escola Oficial de Idiomas A Coruña Rúa Educación, 1 — 15011 A Coruña 📞 981 185 850 📧 eoi.corunha.secretaria@edu.xunta.gal 🌐 centros.edu.xunta.gal/eoicoruna

Podes consultar tamén a Instrución 1/2026 da Dirección Xeral de Formación Profesional, onde se recollen todas as normas e o calendario completo das probas.

Ter un certificado de idiomas é hoxe case imprescindible, tanto para o mundo laboral como para acceder a estudos universitarios ou solicitar bolsas e programas internacionais como Erasmus+. Se xa tes o nivel, non hai escusa: inscríbete antes do 6 de marzo!

Probas específicas de acceso aos estudos de Grao en Ciencias da Actividade Física e do Deporte (UDC)

 Queres estudar o Grao en Ciencias da Actividade Física e do Deporte na UDC? Apunta estas datas

Se tes en mente cursar o Grao en Ciencias da Actividade Física e do Deporte (CCAFD) na Universidade da Coruña, hai un paso previo fundamental que debes coñecer: as probas específicas de acceso. A Facultade de Ciencias do Deporte e a Educación Física (INEF Coruña) acaba de convocar estas probas para o curso 2026-2027, e os prazos comezan xa moi pronto.

En que consisten estas probas?

Trátase de probas físicas específicas que avalían as capacidades e aptitudes deportivas das persoas que queren acceder a este grao. Non son as mesmas que a ABAU: son probas propias da facultade, pensadas para comprobar que o alumnado ten o nivel físico necesario para cursar estes estudos.

Quen se pode presentar?

Pódese inscribir calquera persoa que teña superado ou estea a cursar bacharelato ou un ciclo formativo de grao superior, ademais de quen reúna os requisitos xerais de acceso á universidade recollidos no RD 412/2024. Hai que ter en conta que as persoas deportistas de alto nivel ou alto rendemento están exentas de realizar estas probas.

Un dato moi interesante: se obtes a cualificación de apto/a nesta convocatoria, non terás que repetir as probas nos cursos 2027/2028 nin 2028/2029. A validez do resultado dura tres anos.

Cando son as probas e cando me inscribo?

Hai dúas oportunidades para presentarse:

1ª oportunidade — 25 de abril de 2026 Prazo de inscrición: do 23 de febreiro ao 17 de marzo de 2026 (ata as 14:00 h).

2ª oportunidade — 15 de xuño de 2026 (ou 16 de xuño se o número de aspirantes é elevado) Prazo de inscrición: do 8 ao 26 de maio de 2026 (ata as 14:00 h).

Podes presentarte á segunda oportunidade aínda que non te presentaras á primeira, ou se non obtiveches o apto na primeira. O pago da matrícula cobre as dúas oportunidades; só terás que aboar de novo o seguro de accidentes se concorres á segunda.

Canto custa?

Os dereitos de exame teñen un custo de 63,67 €, máis 6 € de seguro de accidentes. Existen posibles bonificacións e exencións, polo que convén consultar as bases da convocatoria para saber se che aplican.

Como me inscribo?

A inscrición faise a través do formulario en liña dispoñible na web oficial das probas: probasinefgalicia.udc.es. Alí tamén atoparás as bases completas da convocatoria e o regulamento das probas.

Máis información e contacto

Facultade de Ciencias do Deporte e a Educación Física da UDC Avda. Ernesto Che Guevara, 121 — 15179 Oleiros 📞 881 014 046 📧 administracion.inef@udc.es 🌐 inefg.udc.es

---

Se estás pensando en orientar o teu futuro cara ao deporte, a educación física ou o rendemento deportivo, este é o momento de dar o primeiro paso. Os prazos para a primeira oportunidade abren o 23 de febreiro, así que non o deixos para o último día!

Proba para a obtención do título de bacharel para maiores de 20 anos. Convocatoria 2026

 A Consellería de Educación, Ciencia, Universidades e Formación Profesional convoca a proba para a obtención do título de bacharel para maiores de 20 anos.

Requisitos:

• Ser maior de 20 anos ou cumprir esa idade no ano 2026.
• Non estar en posesión do título de bacharel ou de calquera outro título declarado equivalente para os efectos académicos.
• Non estar a cursar ensinanzas de bacharelato en ningunha das súas modalidades ou réximes nin ter estado matriculada/o nesas ensinanzas no curso escolar 2025/2026.

DATAS DE INSCRICIÓN: do 26 de febreiro ao 11 de marzo de 2026

LUGARES DE INSCRICIÓN: na Coruña,  EPAPU Eduardo Pondal. Rúa da Educación, 3- 2º andar. 15011- A Coruña. Tel.: 881 960 901

DATA E LUGAR DA PROBA: 23 e 24 de abril de 2026. No IES San Clemente (R/ San Clemente, s/n. 15705-Santiago de Compostela. Tel.: 881 867 501) en sesións de mañá e tarde.

CARACTERÍSTICAS DA PROBA

A proba organizarase de xeito diferenciado segundo as dúas modalidades convocadas de bacharelato.

Constará de 2 exercicios. Os contidos dos exercicios terán como referente os aspectos básicos do currículo do bacharelato.

1º EXERCICIO: Consta de 5 exames correspondentes a materias comúns a todas as modalidades de Bacharelato.

• Exame 1. Lingua Castelá e Literatura I e II.
• Exame 2. Lingua Galega e Literatura I e II. (*posibilidade solicitude exención, se procede).
• Exame 3. Historia de España.
• Exame 4. Primeira Lingua Estranxeira I e II. (Inglés ou Francés)
• Exame 5. Filosofía e Historia de Filosofía.

2º EXERCICIO: Consta de tres exames correspondentes a materias específicas de cada modalidade

MÁIS INFO: 

www.edu.xunta.gal/portal/ea/obtencion-de-titulos

Consellería de Educación, Ciencia, Universidades e Formación Profesional

Dirección territorial da Coruña. Edif. Adm. Monelos: R/ Vicente Ferrer, 2-7º andar. 15008 - A Coruña

Tel.: 981 184 726

e-correo: educadultos@edu.xunta.gal   

Publicación: DOG 10/02/2026

Probas para a obtención do título de graduado en educación secundaria obrigatoria para maiores de 18 anos

 A Consellería de Educación, Ciencia, Universidades e Formación Profesional convoca as probas para a obtención do título de graduado en educación secundaria obrigatoria para maiores de dezaoito anos nas convocatorias de marzo e xuño de 2026.

Os contidos da proba están integrados nos seguintes ámbitos:

• Ámbito científico-tecnolóxico, no que se integran os aspectos básicos do currículo referidos ás materias de Física e Química, de Bioloxía e Xeoloxía, de Matemáticas, e de Tecnoloxía e Dixitalización.
• Ámbito social, no que se integran os aspectos básicos do currículo referidos ás materias de Xeografía e Historia e de Educación en Valores Cívicos e Éticos.
• Ámbito da comunicación, no que se integran os aspectos básicos do currículo referidos ás materias de Lingua Galega e Literatura, de Lingua Castelá e Literatura e de Lingua Estranxeira (inglés ou francés).

Requisitos:

- Ser maior de 18 anos ou facer esa idade no ano 2026.

- Non estar en posesión do título de graduado en educación secundaria.

- Non estar nin ter estado a cursar ensinanzas de educación secundaria obrigatoria ordinaria nin de formación profesional básica no curso 2025-2026, agás as persoas matriculadas durante este curso na educación secundaria para persoas adultas, que poderán inscribirse nas probas se previamente cumpren as seguintes condicións:

. Ter solicitado a baixa nas ensinanzas do segundo cuadrimestre.

. Así mesmo, para acudir á primeira convocatoria, as persoas con ámbitos do primeiro cuadrimestre sen superar deberán renunciar á avaliación extraordinaria deses ámbitos.

PRAZO, FORMA E LUGAR DE PRESENTACIÓN DE SOLICITUDES DE INSCRICIÓN

• Convocatoria de marzo: do 26 de xaneiro ao 6 de febreiro de 2026, ambos os dous incluídos.

        20 de febreiro: listaxes provisionais de persoas admitidas e excluídas e o centro en que debe             realizar a proba.

• Convocatoria de xuño: do 7 ao 17 de abril de 2026, ambos os dous incluídos.

        30 de abril: listaxes provisionais de persoas admitidas e excluídas e o centro en que debe realizar a proba.

* As persoas matriculadas para a 1ª convocatoria que non superen a totalidade dos ámbitos da proba consideraranse matriculadas para a 2ª convocatoria sen que teñan que presentar nova documentación.

As solicitudes de inscrición deberán presentarse presencialmente nos centros educativos sinalados ou en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia, https://sede.xunta.gal/ (código de procedemento ED540A), dirixido á Dirección Xeral de Formación Profesional da Consellería de Educación, Ciencia, Universidades e Formación Profesional.

Na Coruña: EPAPU Eduardo Pondal, rúa da Educación, 3, 2º. 15011- A Coruña. Tel.: 881 960 901

LUGARES, DATAS E HORARIO DE REALIZACIÓN PROBA

Constituiranse sedes para a realización da proba nas seguintes localidades: A Coruña, Ferrol, Santiago de Compostela, Lugo, Ourense, Pontevedra e Vigo. A relación dos centros educativos que actúen como sedes de exame publicaranse xunto coa lista de persoas admitidas e excluídas.

En sesións de mañá e tarde: de 9:00-13:15h e de 16:00-19:00h.

27 de marzo de 2026

5 de xuño de 2026

MÁIS INFO:

Páxina web:

www.edu.xunta.gal/portal/ea/obtencion-de-titulos

Contacto:

Consellería de Educación, Ciencia, Universidades e Formación Profesional

Departamento territorial da Coruña. Edificio Administrativo de Monelos, 7º andar

R/ Vicente Ferrer, 2. 15008 - A Coruña

Tel.: 981 184 700 / 981 184 731

e-correo: educadultos@edu.xunta.gal

Publicación: DOG 16/01/2026

Acceso ás ensinanzas profesionais de Artes Plásticas e Deseño de grao superior, curso 2025-2026

A Consellería de Cultura, Educación, Formación Profesional e Universidades convoca as probas de acceso ás ensinanzas artísticas profesionais de Artes Plásticas e Deseño de grao superior para o curso 2025/26.

Inscricións:

Prazo de inscrición para alumnado que solicita proba substitutiva de requisito de titulación (Bacharelato): ata o 13/06/2025

Prazo de inscrición para alumnado que cumpre co requisito de titulación: ata o 26/06/2025

As solicitudes deberán xerarse preferentemente de xeito telemático empregando o certificado dixital ou sistema de usuario e clave Chave365 ou completando o formulario dispoñible en https://www.edu.xunta.gal/eas e presentar, nos prazos establecidos, unha copia asinada da solicitude xunto coa documentación requerida no centro a que a persoa aspirante desexe acceder como primeira ou única opción.

Requisitos:

a) ACCESO DIRECTO: estarán exentas de realizar a proba específica de acceso ao grao superior quen estea en posesión de:

• Título de técnico/a de Artes Plásticas e Deseño ou equivalente.
• Título de técnico/a superior de Artes Plásticas e Deseño ou equivalente.
• Título de bacharelato, modalidade de artes, ou de bacharelato artístico experimental.
• Título superior ou de grao en ensinanzas artísticas superiores de Artes Plásticas nas súas diferentes especialidades, ou equivalente.
• Título superior ou de grao en ensinanzas artísticas superiores de Deseño, nas súas diferentes especialidades, ou equivalente.
• Título superior ou de grao en ensinanzas artísticas superiores de Conservación e Restauración de Bens Culturais, nas súas diferentes especialidades.
• Titulación universitaria de licenciatura ou grao en Belas Artes, Arquitectura superior ou grao en Arquitectura ou Enxeñaría técnica en Deseño Industrial ou grao en calquera especialidade de Deseño Industrial.
• Quen, estando en posesión dos requisitos académicos de acceso, acredite ter experiencia laboral de, polo menos, 1 ano, relacionada directamente coas competencias profesionais do ciclo ao que se queira acceder

b) ACCESO MEDIANTE PROBA ESPECÍFICA: as persoas que posúan o título de Bacharelato, ou equivalente, ou título de técnico/a de FP deberán superar unha proba específica.

c) ACCESO PARA O ALUMNADO QUE NON REÚNA OS REQUISITOS ACADÉMICOS: as persoas que non estean en posesión da titulación requirida deberán ter cumpridos no ano de realización da proba  19 anos, superar a proba que substitúe o requisito de titulación de bacharelato e superar a correspondente proba específica (*consultar no Anexo I da convocatoria as posibles exencións da proba substitutiva de titulación)

Páxina web:

www.edu.xunta.gal

Contacto:

INFORMACIÓN:

- nas Escolas de Arte e Superiores de Deseño 

- Na Coruña: Escola de Arte e Superior de Deseño Pablo Picasso

R/ Os Pelamios, 2 (15001- A Coruña)

Tel: 981 225 396

Correo-e: escola.arte.pablo.picasso@edu.xunta.gal

www.eapicasso.com

PUBLICACIÓN: DOG 22/04/2025