BOLETÍN SEMANAL DO 29 ABRIL AO 03 DE MAIO_2026

 

BOLETÍN SEMANAL DO 20 AO 26 DE ABRIL_2026

 

Acción de Verán 2026

 A Consellería de Cultura, Lingua e Xuventude convoca a oferta de prazas xuvenís dentro da programación da Campaña de verán, e ofrece a posibilidade de que a xuventude empregue o seu tempo libre de verán participando en actividades de carácter lúdico, cultural, deportivo e formativo.

Inscricións:

Dende o 16/04/2026 ata o 29/04/2026

Duración:

Durante os meses de xullo, agosto e setembro de 2026.

Prezo:

Entre 92,50 e 284,50 euros según a actividade escollida.

Descontos: 50% con título de familia numerosa, familias monoparentais e familias acolledoras. As persoas usuarias do Carné Xove gozarán dun desconto do 25 %. Os descontos en ningún caso serán acumulables.

A convocatoria inclúe:

• Campamentos en Galicia.
• Minicampamentos “Coñece Galicia”, de 5 días de duración.
• Campos de voluntariado en Galicia, noutras comunidades autónomas e no estranxeiro.
• Programas de intercambios bilaterais con outras comunidades autónomas.
• Uso de instalacións xuvenís por parte de entidades e grupos de persoas mozas non asociadas.
• Actividades de ocio alternativo para maiores de 18 anos.

As persoas participantes nas actividades disporán dos seguintes servizos:

• Programa de actividades de carácter sociocultural, recreativo, formativo e convivencial.
• Aloxamento en albergue xuvenil, residencia xuvenil, campamento xuvenil ou aloxamento turístico.
• Manutención en réxime de pensión completa.
• Material necesario para o desenvolvemento da actividade xuvenil.
• Equipo técnico de persoal especializado en animación sociocultural e actividades de tempo libre e actividades náuticas, de ser o caso. Para o caso das persoas con discapacidade disporase de persoal que conte coa formación e experiencia necesarias para atendelas.
• Atención sanitaria de primeiros auxilios e seguro de accidentes.
• No caso de intercambios noutras comunidades autónomas, o transporte desde Santiago de Compostela, que será o punto de saída, ata o lugar de destino do intercambio, así como o retorno ata o mesmo punto de saída. 

Requisitos:

• Persoas mozas residentes en Galicia de entre 9 e 17 anos.
• O/a menor solicitante deberá ter expedido e en vigor o DNI ou NIE na data de presentación da solicitude.
• As persoas nacidas no ano 2017 deberán ter 9 anos ao inicio do campamento e as persoas nacidas no ano 2008 non poderán facer os 18 anos antes da finalización do campamento.
• Non padecer enfermidade transmisible con risco de contaxio. 
• Para os campamentos que inclúan na súa programación actividades acuáticas, é requisito saber nadar.
• Ningunha persoa participante poderá ser admitida en máis dun campamento nesta convocatoria. A praza adxudicada será intransferible.
• As persoas que teñan unha discapacidade igual ou superior ao 33 % deberán facer constar esta circunstancia na epígrafe que figura no anexo de solicitude, co fin de planificar os apoios persoais necesarios, se os precisa. En función do tipo de discapacidade, poderá exceptuarse, de ser o caso, o requisito de saber nadar.
• As persoas con discapacidade igual ou superior ao 33% deben optar, de conformidade co sinalado no apartado "Como presentar a solicitude", polas prazas do procedemento xeral ou polas prazas reservadas para inclusión. Para tal efecto, deberán indicar na solicitude se solicitan ou non unha praza reservada para inclusión.
• As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia.

MÁIS INFO:

https://xuventude.xunta.gal/gl/accion-de-veran

Dirección Xeral de Xuventude. Consellería de Cultura, Lingua e Xuventude

Edificio Administrativo San Lázaro, s/n, planta 0, 15781 Santiago de Compostela

Teléfonos: 881 99 90 25/ 981 54 52 93/ 881 99 93 14/ 981 54 01 22

Departamento Territorial da Coruña. Servizo de Xuventude e Voluntariado

Rúa Vicente Ferrer, 2, 3 15071 A Coruña

Teléfonos: 881 88 12 38/ 881 88 12 39/ 881 88 12 40/ 881 88 12 41

Publicación: DOG 15/04/2026

Sede electrónica (sede.xunta.gal) Procedemento BS303A

BOLETÍN SEMANAL DO 13 AO 19 DE ABRIL_2026

 

Coñece a Universidade de Vigo dende a casa: Semana de Portas Abertas Virtual

 A toma de decisións sobre o futuro académico require información rigorosa e acceso directo ás opcións dispoñibles. Neste contexto, a Universidade de Vigo organiza a súa Semana de Portas Abertas Virtual, unha iniciativa dirixida a facilitar ao alumnado de ensino secundario o coñecemento da súa oferta formativa e dos servizos universitarios.

En que consiste a Semana de Portas Abertas Virtual?
Trátase dun conxunto de sesións informativas en liña nas que profesorado e persoal universitario presentan os distintos graos e resolven dúbidas en tempo real. Ao desenvolverse en formato virtual, permite o acceso desde calquera lugar, eliminando barreiras de desprazamento e facilitando a participación.

Durante estas xornadas, abórdanse cuestións clave como:

• Contidos e estrutura dos graos.
• Saídas académicas e profesionais.
• Requisitos de acceso e proceso de admisión.
• Servizos de apoio ao estudantado.

A quen vai dirixido?
Esta actividade está especialmente orientada ao alumnado de 4º de ESO, Bacharelato e ciclos formativos que se atopa nun momento de toma de decisións sobre a súa continuidade formativa. Tamén pode resultar de interese para familias que desexen acompañar este proceso con información actualizada.

Como participar?
A participación require inscrición previa a través da páxina oficial da Universidade de Vigo. Unha vez rexistradas, as persoas participantes poderán acceder ás sesións programadas segundo os seus intereses académicos.

Recoméndase:

• Revisar previamente a oferta de graos para seleccionar as sesións máis relevantes.
• Anotar dúbidas concretas para aproveitamento das quendas de preguntas.
• Participar en varias sesións se existen intereses diversos.

Por que é importante asistir?
O coñecemento directo das titulacións e da realidade universitaria contribúe a unha toma de decisións máis informada e axustada aos intereses e capacidades de cada persoa. Ademais, permite contrastar expectativas e coñecer aspectos prácticos que non sempre aparecen na información escrita.

A participación na Semana de Portas Abertas Virtual constitúe unha oportunidade relevante para avanzar na construción do proxecto académico e profesional. Recoméndase ao alumnado interesado que formalice a súa inscrición e aproveite este recurso para tomar decisións fundamentadas sobre o seu futuro. 

Máis información:

Área Captación de Alumnado

Edificio Miralles

As Lagoas, Marcosende

36310 Vigo

+34 986 130 270

tecnica.captacion@uvigo.gal

BOLETÍN SEMANAL DO 06 AO 12 DE ABRIL_2026